حياتي اليوم صحيفة إلكترونية يومية
شالوا آلدو وجابوا شاهين
آلدو قال مانتوش نافعين
تربية وتعليم وراح فين التعليم.
حتى التربية بقينا محتاجين لها قاموس يا مساكين…
في أيه يا سطة لما تروح سنه عليك
وتقدم على دبلومة في ترجمة اللغة العامية
اقرا بلدك وخليك مع الفقير راحت فلوسه على التعليم..
تقدر تقول هيجيب الفقير نت منين يا حزين
حجر الأساس وقع خلاص على راس كل المثقفين
ولا في كتاب ولا في حتى اسبرين
الصداع يبقى سنيين
اتصرف يمين واتصرف شمال
والنتيجة شربوا بدل الساقع قهوه سادة ياسادة
منظومة تعليم آخرها هدم كيان المحتاجين
شالوا ستة ويخفوا عن رابعة ولحد فين رايح التعليم
التعليم بقى كنايه تتغنى في قاعده المتعلمين
قالوا المثقفين ويحلى الكلام ولكن الفعل مش سليم
ظهرت نتيجة قالوا ما تساويش قولنا اتظلمنا
شفنا الورق مش ورقنا ده ورق الناس التانيين
قالوا ضياع قولنا ما انتم دافعين
شيلنا فيزياء شيلنا كيمياء حتى لو شيلنا هم السنين
والكل يدفع ثمن صعود السلم للمكسورين
تعدي بالمناقصة وتلم الغلة فوق قفة المساكين
مس ومستر وكيمياء ولجان وهمس وإعلان وسوشيال تيشيل الحزين
َتبان الصوره أصل هو ده التعليم
والأمر أصله ياعرب عند ريتشارد ولا عند صلاح الدين
بالأمس القريب كان الكتاب عنوان المتعلمين
دلوقتي عمك مارك بقى المرجع القديم
تروح المحكمة وتسيب الولد المتين
رايح في منظومة مش منظورة
بوكليت وتسريب وغش الكتروني
إلغي التشعيب رجع التشعيب
ولجنة لولاد الأكابر والخوف بقى من أولاد المساكين
علي و إنجي وعلاء ضرب رصاصة وجت في البنطلون الرقعة فيه هلال المحتاجين
تحارب الأم وتعمل مئذنة وتزرع نخلتين والأذان صوته بقى يسمعه إللي مش سامعين
وعجبي…
