حياتي اليوم صحيفة إلكترونية يومية
دولة كانت بتنتج ٥٥ فيلم في السنة ابسط واحد فيهم فيلم زي خللي بالك من زوزو اللي قعد في السينما من ١٩٧٢ الي ١٩٧٣ وفيلم زي البحث عن فضيحة.
دولة انتجت ٣٠ اغنية بينها رسالة من تحت الماء لعبد الحليم حافظ وحكايتي مع الزمان لوردة وتؤمر ع الراس والعين لفريد الاطرش ده غير أغنية جديدة للست أم كلثوم في ١٩٧٣.
دولة انتجت ١١ مسلسل تليفزيوني و٤ مسلسلات اذاعية منهم واحد بطولة عبد الحليم حافظ.
دولة نشرت ٤٧ رواية وقصة وكتاب وديوان شعر لنجيب محفوظ واحسان عبد القدوس ويوسف السباعي ومصطفي محمود وغيرهم.
دولة كانت بتنتج ١١ مسرحية في ٧٣ بمعدل مسرحية جديدة كل شهر.
دولة فيها شاب مصري عنده ٤١ سنة اتجوز شابة جزائرية عظيمة عندها ٣٢ سنة والمهر كان ٢٥ قرش عشان يخلفوا تراث وفن يعيشوا الف سنة أصل الشاب اسمه بليغ حمدي والفتاة كان اسمها وردة.
دولة كان السكان فيها بيلبسوا من غزل المحلة وبيستخدموا كوتشي باتا وبياكلوا ويشربوا من قها وادفينا وبيركبوا عربيات نصر ورمسيس.
دولة كان فيها آلاف المصانع وملايين الشباب متعلمين صح في المدارس والجامعات.
دولة كان رئيس تحرير الاهرام محمد حسنين هيكل ورئيس مجلس ادارة الاخبار احسان عبد القدوس ومدير التحرير محمد التابعي.
دولة كانت بتلعب دوري وكاس وبجمهور كامل ل١٢ فريق ويفوز فريق زي غزل المحلة بالدوري لانه كان اقوي من الاهلي والزمالك أصل المدينة دي كانت مصر كلها بتلبس من مصانعها.
دولة زي دي كان لازم تنتصر في ٧٣.
٦ أكتوبر نتيجة لدولة قوية ومنتصرة قبل ما تدخل الحرب!
