الأربعاء , 5 أغسطس 2020
الرئيسية / نفسي / كبسولات مهدئة…(لغة الحب)…تكتبها رشا صيرة

كبسولات مهدئة…(لغة الحب)…تكتبها رشا صيرة

= 1469

برغم ان فى ناس بيقابلوا ناس فى حياتهم وبيحصل بينهم أنجذاب وألفة وود وبيعاشروا بعض بالسنين وبعد فترة …كل واحد بيبدأ يبص للتانى ويقول لا ده مش الإنسان اللى أنا حبيته أو مش عارف ولا قادر أحبه !
فجأة ؛؛؛ أحساسك بيه بيقل ومشاعرك بتختلف حتى حماسك فى أنك ترضيه أو تسعده بنفقده !
وبتسأل نفسك هو الحب اللى أتغير ولا أحنا اللى كل ما بنكبر وبننضج مشاعرنا بتختلف وأحساسنا ببعض بيتغير وبنفكر اننا لازم نلاقى اللى يفهمنا ويحبنا صح !
بس ده مش هيحصل لاننا مش فاقدين الحب …! أحنا مش فاهمين معنى الحب علشان مش عارفين لغة الحب …!
أول ما تلاقى نفسك مش فاهم أحساس ومشاعر اللى بتحبه ومش عارف هى أتغيرت ليه ! أعرف أنك فقدت لغة التواصل بينك وبينه …بقى هو بيتكلم بلغة وانت بتتكلم بلغة ومش عارفين تفهموا بعض ولا تترجموا مشاعركم !
كل واحد بيخلق لغة خاصة بينه وبين اللى بيحبه وأوقات محدش بيفهمها غيرهم !
ممكن يحس بيه وهو بعيد عنه ويتونس بروحه ولو جنبه عمر ما نظرته بتختلف ولا حبه بيتغير حتى لو شاف تصرفاته وشكله أتغير مع الزمن وظروف الحياة أثرت عليه …بيبقى فاهم كل حاجة جواه كويس حتى لما السنين بتعدى وتسبب لنا ضيق وأحياناً جروح من اللى بنحبهم بس بتفضل اللغة اللى بينهم هى اللى بتقدر وحدها ترجع كل حاجة الزمن بيغيرها حواليهم مش بيفكروا وقتها الحب أتغير ليه !
أى حب بيعتمد على وجود شئ بيروح بزوال الشئ!
اللى بيحبك هو اللى هيحبك لنفسك علشان أنت نفسه ….وهيطلع منك أحلى حاجة هتخليه يحس أنه حلو طول ماهو معاك …
علشان كده أى حاجة بتعملها أنت مش بتعملها علشانه ! أنت بتعملها علشان نفسك ؛ وعلشان تزود حبه جواك وتحب كل الحاجات اللى حواليه علشان هو بيحبها ..
فعندما سألوه عن حبه لها؛؛؛
قال….أول الحب كنت أحبها لشئ فيها !
والآن أصبحت أحب كل الأشياء ؛ لأنها فيها ….!

شاهد أيضاً

كبسولات مهدئة…(الشخصية العدوانية)…تكتبها رشا صيرة

عدد المشاهدات = 317 “كيف يفرض إنسان سلطته على إنسان آخر يا وينستون ؟ فكر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: