“بعـــــيــنــك” …قصيدة بقلم الشاعرة منال مصطفى

هو انت خايف من كلامى
ولا…من كلام الناس
ولا خايف لو تشوفنى
قلبك يتنفض احساس
ولا فــاكر ان بعدى
حاجة بالسهل وخلاص
ولاشوقى ليك وسهدى
من اساسة ..مالوش اساس
بعينك …..
وأسأل الكلمه الـ حايرة
من زمان بينى وبيـــنــك
بعينك …..
واسأل الفرحة اللى طايرة
لما اشوف صورتى فى عينك
بعينك……
واسأل الرعشة فى ايديك
لما تلمسنى أيدينك
لسة برضة…. لسة خايف
خايف من شوقى وحنينك
بعينك ……بعينك