السبت , 15 مايو 2021
الرئيسية / أسرتي / أفكار سهلة وسريعة للسحور

أفكار سهلة وسريعة للسحور

= 1371

 

السحور من الوجبات المهمة في شهر رمضان لأنها تعمل علي مد الجسم بالطاقة و تمنع الشعور بالعطش في نهار رمضان خصوصاً عندما يأتي رمضان في فصل الصيف، و قد ذكر النبي صلي الله عليه و سلم ” تسحروا فإن في السحور بركة ”.

وتلك مجموعة من الأفكار التي يمكنها أن تساعدك في عمل سحور رمضان بطريقة مختلفة:

 

1- البيض بالمشروم:

المكونات:

4 بيضات متوسطة الحجم.

1 بصلة متوسطة الحجم.

مشروم.

زيت.

ملح وفلفل حسب الرغبة.

الطريقة:

سخني الزيت في طاسة على نار متوسطة, ضيفي البصل وقلبيه لحد ما يدبل, بعدها ضيفي المشروم وقلبيه لحد ما يطرى, ضيفي الملح والفلفل وسيبيه لحد ما المشروم يستوي, بعدها طلعيه من الطاسه في طبق, وممكن في نفس الطاسة او في طاسة منفصلة تضربي البيض وتحطيه, بعد ما البيض يستوي حطي فوقيه المشروم.

 

2- البيض بالبسطرمة:

المكونات:

250 جرام بسطرمة .

4 بيضات.

1 معلقة كبيرة زبدة أو زيت .

الخطوات :

قومي بتقطيع البسطرمة إلي أجزاء صغيرة .

جهزي مقلاة متوسطة الحجم و قومي بوضع معلقة الزبدة / الزيت و تركها حتي تذوب .

ضفي البسطرمة إلي الزبدة المذابة و الطهي لمدة 30 ثانية حتي يصبح لونها فاتح قليلاً.

ضفي البيض إلي البسطرمة و التقليب معاً و إنتظري حتي ينضج البيض ثم قومي برفعه من علي الموقد .

والأن أصبح جاهز للتقديم .

 

3- بيض بالبطاطس والجبن:

المكونات :

4 بطاطس روست متوسطة الحجم .

1/2 كوب بصل مفروم .

2 ملاعق صغير فلفل أسود .

1/4 معلقة صغيرة ملح .

1/4 كوب زيت الكانولا .

3 ملاعق زبدة .

4 بيضات .

2 ملاعق كبيرة حليب .

فلفل أسود .

2 كوب جبن شيدر مبشورة .

مكونات للتزيين :

1 أفوكادو مفروم .

1 طماطم صغيرة .

1 بصل أخضر .

الخطوات :

سخني الفرن في درجة حرارة 375 درجة.

قومي بتقشير البطاطس و تقطيعها إلي أجزاء صغيرة و تقطيع البصل جيداً .

تسخين المقلاة علي نار متوسطة و إضافة زيت الكانولا .

ضفي البطاطس  ، البصل ،  الملح ، الفلفل و تقليبهم معاً حتي تتحول البطاطس إلي اللون البني قد يستغرق ذلك حوالي 15 دقيقة .

ضفي البطاطس المطبوخة  في وعاء متوسط الحجم وضفي البيض و الحليب في وعاء منفصل  و القليل من الفلفل .

جهزي مقلاة متوسطة الحجم و وزعي الزبدة بداخلها جيداً .

وضفي بداخل المقلاة البطاطس المخبوزة و بعدها ضفي خليط البيض و الجبن الموزاريلا .

بعد ذلك قومي بخبز الخليط في الفرن لمدة 15 دقيقة .

و بعد إخراجها من الفرن يمكنك إضافة الأفوكادو و الطماطم للتزيين .

 

4- الشكشوكة:

المكونات:

1 ثمرة طماطم متقطعة مكعبات صغيرة.

1 ثمرة فلفل اخضر متقطعة قطع صغيرة.

5 بيضات.

بصلة متقطعة قطع صغيرة.

ملح – فلفل.

2 معلقة زبدة.

الطريقة:

اضربي البيض, وسخني الزبدة في طاسة على النار, حطي فيها البصل قلبيه لحد ما يدبل, وبعدها ضيفي له الفلفل الاخضر وقلبيهم مع بعض كام دقيقة وبعدها ضيفي الطماطم وسيبيها تستوي, وبعدين ضيفي البيض قلبيه لحد ما يستوي.

 

5-فول بالزبدة:

طريقته بسيطة جدا حطي الفول في طاسة وضيفي له الزبدة والملح والفلفل, وكده يبقى جاهز طبق الفول.

 

6- الفول الاسكندراني:

المكونات:

فول مدمس.

ثوم.

بصل.

فلفل الوان.

خل.

عصير ليمون.

كزبرة خضرا.

زيت.

ملح

كمون.

شطة.

فلفل اخضر حار.

طماطم متقطعة قطع صغيرة او صلصة طماطم.

الطريقة:

حطي طاسة على النار سخني فيها الزيت, ضيفي البصل والثوم المتقطع والفلفل الالوان والفلفل الحار والطماطم او صلصة الطماطم, وقلبي المكونات كويس لحد ما تستوي مع بعضها كويس, وبعدها ضيفي الفول وعصير الليمون والخل, والكمون والملح والشطة, وفي الاخر رشي الكزبرة الخضرا, وقدميه.

 

7- صينية فول بالبيض والخضار:

المكونات:

4 بيضات.

3 ثمرات طماطم متقطعة.

2 كوباية فول مدمس.

2 ثمرة فلفل متقطع.

2 معلقة كبيرة زيت.

بصلة مفرومة.

حزمة بقدونس متقطعة.

معلقة صغيرة ملح.

رشة كمون.

معلقة صغيرة فلفل.

رشة نعناع مجفف.

الطريقة:

في طاسة على النار ضيفي الزيت والبصل وقلبيه لحد ما يدبل ولونه يصفر, ضيفي الفلفل الاخضر, والطماطم وقلبي المكونات, وسيبيها شوية لحد ما تدبل, ضيفي الفول, وسيبيه لحد ما يغلي, وبعدين انقليه في صينية بايريكس, وتبليه بالملح والفلفل والكمون والنعناع, وفي كل جنب من جوانب البايريكس اعملي حفرة وحطي جواها بيضة, حطي الفول في الفرن على درجة حرارة 180 لمدة ربع ساعة او لحد ما البيض يستوي, وطلعيه ورشي على وشه البقدونس.

 

8- جبنة كريمي بالاعشاب والثوم:

المكونات:

1 معلقة صغيرة ثوم مفروم.

¾ معلقة صغيرة بهارات.

½ معلقة صغيرة ملح.

1/8 معلقة صغيرة بصل بودرة.

كوباية جبنة كريمي.

الطريقة:

في طبق حطي الجبنة وضيفي لها كل المكونات وقلبيها وحطيها في التلاجة ساعة قبل الاكل.

 

 

 

شاهد أيضاً

طريقة عمل كحك العيد فى البيت

عدد المشاهدات = 2793  أيام قليلة تفصلنا عن عيد ىالفطر المبارك، ومن أبرز مظاهره الكحك …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: