حياتي اليوم صحيفة إلكترونية يومية
—-
في عمرك خليك عارف انك ياما هتقابل مشاكل كتير ..
وفاكر برضو ان هيجيلك لحظه هتحس انك مهدود ..
تايه .. ميت عايش في الملكووت
اوعى ياطيب تسيب عمرك من قدامك يفوت
ياما ناس عاشت ف الماضي واخرها كانت حياه الموت
اوعى تقول ده كلام فاضي .. ونقش مكتوب وسط السطور !
مين فينا عايش مبسوط
مين فينا مبيداريش الدمعة وعامل قال من الضحك بيموت
مين فينا قولي طيب مفارقش احبابه
ولا ياعيني قلبو فجاه بكى ع ايد حبيبه الي سابه
ده انا جدي قالي ف مره يابنتي هتعرفي قيمه الي غابو
هتيجي ع قبري وتبكي عليا وتقولي ياني ع سنين فاتو !
طبيعيه الدنيا اصلا مبتديش
اوعى ف محطة تقف متمشيش
اتعود دايما للضحكة متداريش
واضرب الدمعة وقولها متظهريش
صاحب نفسك .. والا مش هتعيش
واتكل ع ربك .. ده انت من غيره
متساويشّ!
