حياتي اليوم صحيفة إلكترونية يومية
—
انا لما احافظ علي كرامتي وعزة نفسي ده مش كبرياء.. انا لما ماحبش حد يغلط فيه ده مش غرور.. انا ماسمحش بالاهانة يبقي مش تعالي.. في شعره بين الغرور والتعالي والكرامة وعزة النفس.. عزة النفس انك ماتقبلش حد يهينك او انه يذلك أو انه يسئ لك..
ابعد عن الاشخاص اللي بيحاولوا يقللوا من شأنك او يسخروا منك… لازم تكون عارف قيمة نفسك بين الناس.. حتي في الحب لازم يبقي في كرامة.. لازم يبقي في احترام.. الحب والكرامة وعزة النفس بيكملوا بعض.. مثلت ما ينفعش نتخلي عن ضلع منه.. هيحصل خلل..عمرك شفت مثلت من غير ضلع من ضلوعه التلاتة..؟
انا ممكن أتنازل عن أشياء.. وأسامح في اشياء علشان المركب تمشي…في أي علاقة..ولكن لا تمس كرامتي.. من الممكن ان نقع في الخطأ.. ونجرح دون قصد..وهنا انت اللي تقرر هل هو عن قصد أم لا ؟
فجميع العلاقات مش حرب… بل حب وكرامة وعزة نفس ومودة واحترام واهتمام.. وكلمات صادقة نابعة من القلب..
خلي عندك كرامة وعزة نفس مش غرور ولا كبرياء.
