حياتي اليوم صحيفة إلكترونية يومية
وجه الدكتور هاني الناظر، استشاري الأمراض الجلدية عددا من النصائح لتجنب الإصابة بفيروس كورونا قائلا: ابعد عن غلطات ممكن تقع فيها وحافظ علي صحتك واحمي نفسك من كورونا وغيرها من الامراض.
يعني مثلا بلاش تحرم نفسك من نعمة شرب المياه بكثرة ولا تستخسر انك تنام سبع او ثمانية ساعات واوعي تفتكر ان السلاطة الخضراء اكلها مالهوش لازمة بالعكس دي اهم شئ في وسط كل طعامك.
واياك ما تغسلش ايديك قبل الاكل وبعده او تاكل او تشرب مطرح حد ومفيش داعي ابدا عادة انك لما تقابل صحبك تاخدوا بالحضن والبوس.
وطبعا بفكرك ان التدخين مش دليل الرجولة ولا قوة الشخصية والعظمة بالعكس ده دليل الضعف وقلة الارادة وكمان بيسهل الاصابة بكورونا وامراض القلب والرئة وضيق الشرايين.
اما اهم غلطة ممكن تقع فيها انك تفتكر ان الكمامة دي حاجة منظر ومالهاش لازمة لا يا استاذ الكمامة ثبت علميا انها اعظم وسيلة للحماية …
وخليك فاكر انه مش عيب اننا نغلط ولكن العيب اننا نستمر في الغلط ونكرره.
