حياتي اليوم صحيفة إلكترونية يومية
" بعد 14 سنه خدمه في ثانوي "
بتقولِّي أقف
إسمك مكتوب
فَوْقِفْت
ولكن بالشقلوب
بصّيت ع الناس
البَنِي تعلوب
حدفوني عيوب
وانا واقف كده عامل
شجره
بتلِمّ الطوب !
وأنا قلبي يادوب ..
بيْدِب يدُوب !
ويْدُوب ..
فـَ يدِب يدِب .. يادوب !
وبشوف الناس من برّه قلوب
البَنِي تعلوب
حدفوني عيوب
وانا واقف كده عامل
شجره
بتلِمّ الطوب !
بتنازل عن مبدأ .. مبدأ
وتاكُلني الدنيا عسل في السم
والنُكته لا يمكن تتصدّق
يعشق مجروح .. بيخُر ف دم !
أنا قلبي محطِّش في دماغُه
بيخَطِّي و دايس بالنيّه
لو أَخْلَص ليه تكسروا دَاغُه؟!
وتصيدوا يمامتي البُنّيه !
لَهَّايَه حكايتي يا لَهَّايَه
لَهْيَان
وأخدتوني لِهَايَه
نَهْيَان ..
ما وَصَلْتش لنهايه !
رغّايه دموعي يا رغّايه
والبوح محسوب !
" بعد 14 سنه خدمه في ثانوي "
بتقولِّي أقف
إسمك مكتوب
فَوْقِفْت
ولكن بالشقلوب
البَنِي تعلوب
حدفوني عيوب
وانا واقف كده عامل
شجره
بتلِم الطوب !
—————–
إهداء للفنان الكبير عادل إمام
بمناسبة عيد ميلاده ال 75
