حياتي اليوم صحيفة إلكترونية يومية
كل وجع فى حياتك هو خطوة للتغيير …وده فى حالة إنك تكون على وعى بألمك ….والتغيير مش معناها إنك تتجاهل مشاعرك وتيجى على احتياجاتك .؛؛؛ بل معناه إنك تخد خطوة و قرار سليم تحفظ بيهم حدود مشاعرك حتى لو كانت لسة بتعانى من الوجع !
وافتكر دايما إنك بتتغير علشان نفسك انت مش علشان حد تانى !
تكلفة الرجوع دايما بتكون أكبر من تكلفة الوصول !
النضج انك تفهم أن كل اللى عدى فى حياتك
بكل آلم وكل فرح وكل إنتصار أو حتى هزيمة ….
كان لازم يحصل علشان توصل لنفسك …وأنك تقف بعد رحلة طويلة فى حياتك وتغمض عينك وتشوف نفسك بعد كام سنة قدام وتسأل نفسك يا ترى أنا اتعلمت الدرس وهاكمل حياتى وهخرج لنقطة جديدة ! ولا لسة واقف عند نفس النقطة بقدم رجل وأأخر رجل !
ولا لسة ببص ورايا وبندم على عمرى اللى فات وبتمنى الحاجات اللى ضاعت مني وبتحسر عليها !
———————-
* مؤلفة كتاب “كبسولات مهدئة” و”انت مين فيهم”؟.
