حياتي اليوم صحيفة إلكترونية يومية
فينك يا رفيق ؟
ده انا كنت بقول انك اخويا
اللى ماجبهوش أمى و أبويا
ده انا كنت بقول انك هتكون
فى الضلمة النور
معقولة أهون ؟!
ده انا كنت بقسم انا وانت
من الجوع فتافيت
معقولة نسيت ؟
معقولة تروح من غير مواعيد
طب كنت تقول
طب كنت تقول وانا هاجى معاك
مش كنت تملى بتستنى
عشان اكون وياك ؟
اشمعنا
أشمعنا المرة دى تفوتى وتطلع وحدك
طب كنت تقول انك طالع
فينك يا رفيق .. انا حاسس بالوحدة فى بعدك
و لاول مرة بحس بضيق
فينك يا رفيق ؟!
مش كنت تملى
تقول ان انا صاحبك و لكنى فى الاصل شقيق ؟!
فين إثباتك ؟
سيبتنى مع أول رحلة لفوق
و سايبنى فى بحر الدنيا غريق
انا محتاجك فعلا جنبى
أرجع يا رفيق !
—————-
عبدالرحمن سليم
مشروع كُتاب
