ريم خيري شلبي تتساءل: هى العدالة فين؟!

عدد المشاهدات = 1282

وطن الحبايب فين وفين ميزان العدل ؟
تايهين بقالنا سنين وسؤالنا ملهوش حل
وبنعكس الآية وقلوبنا نساية
وبنعشق الغربا وبنبعد القربا
وكأنها متعة نفضل على الهامش
نكتب تاريخ مغلوط ونزور الأحداث
ونكفر المؤمن ونزيف القداس
ونقتل عشان الدين واحنا ولا فاهمين
أصل الحكاية إيه وبدأ الحكاية مين
قلعنا نضارة ولبسنا فى العدسات
والخيبة صدقنا إن اللى عدى مات
ماشين كما العميان متمرمغين فى الطين
ولما تديق بقينا نصرخ بعلو الصوت
هى العدالة فين؟!