د. إيمان دويدار تكتب: ما ترجعليش..!

عدد المشاهدات = 1432

ما ترجعليش
عشان انا اللى وانا اللي وانا اللى
وانا الغلطانة وتملى
ما ترجعليش

لا انا زيك ولا فكرك
ولا افكارى دى تليق لك
عشان هاتموت وانت تعيش
ما ترجعليش

وروح وابعد .. دنا بكدب
ولو حالفة يوم ارجع
يا دوب تنسى … وما تسمعنيش
ما ترجعليش

وانا تافهة وانا عنيدة
وانت الشاطر المحظوظ
بذكاءك .. بافكارك
ومن الآخر مفيش منك
طاووس له ريش
ما ترجعليش

ولو ترجع يكون رفضى
بلا راجعه
ولو تنده … ما نيش سامعة
من الاخر ما تنفعنيش
ما ترجعليش