كل واحد مننا جواه مكان ممنوع الأقتراب منه او التصوير مكان صعب يفتحة لأي حد الصندوق الأسود اللي بيقول عليه بس مش معني كدا انك تتجاهل وجودة او تتجاهل اي شيء جواه معظم مشاكلنا النفسية والعاطفيه موجودة بسبب التجاهل لما بنمر بتجربة عاطفية ونفشل ونتجاهل وقتها اعترافنا بوجعنا بيوصلنا في النهاية إننا ندخل في علاقة جديدة واحنا مش فاهمين انا هنا ليه فيه اللى بيفوق فى الأول قبل ما يظلم الطرف التانى وفيه اللى بيفوق بعد فوات الاوان وبيكون ساعتها ظلم نفسه وظلم كل اللى حوليه وهكذا من تجربة لتجربة وبيتحول لمريض نفسى مع الوقت لانه بيعتقد وقتها انه ضحية وبيكون حابب ان يسجن نفسه داخل الشعور دا وبيعتبر نفسه ضحية الأخرين وهو فى الحقيقة ضحية نفسه لانه محولش الاعتراف مع نفسه من قبل محكاش الحكاية لنفسه صح واعترف بمشاعر حزنه ووجعه واتعامل معها صح.
والنوع التانى من الرجالة او السيدات اللى هو مش عارف احبك حب ناضح وصح بس فى نفس الوقت مستخسرك تمشى.
ويبقى كل دوره فى العلاقة مصاص طاقة . يفضل يمتص فى طاقتك وحبك واول ما تقرر تمشى فجأة تلاقية مستعد يحبك ويخسر اى حاجة عشانك لمجرد انه يطمنك عشان تفضل داخل دايرتة
ونرجع للأسف ندى فرصه تانية على امل التغير الحقيقى وعلى امل شوية الحب اللى بناخدهم ساعتها وعلى امل الحفاظ على العلاقة.
ونكتشف ساعتها ان التغير اصبح تغير مؤقت وهكذا نفضل نلف جوا الدايرة دى بين قرب وبعد ونبقى مش عارفين مكانا فين عندهم.
اللى عايزه اقولهولك هنا نقف ونقطة ومن اول السطر احكى لنفسك الحكاية من اولها كلها حتى مخوفك من البعد متخفش منها واجهه نفسك بالحقيقة قيمي الأفعال وليس الأقوال بلاش تجرى ورا فكرتك عن الحب المفروض ايه وبص على حقيقتة الحب مش وعود فاضية الحب تصرف صح من الاول عشان مش عايز اخسرك الحب مش انك تعرفى راجل مسئول عن قوامتة انه لازم يتغير عشان يحافظ عليكى الحب الصحى الناضج انه يتغير من نفسه عشان مش متخيل حياتة من غيرك اختارى انك تتحبى صح مهما كانت الظروف افتكرى قيمتك طول الوقت لانك تستاهلى تتحبى وتستاهلى ان يتعمل عشانك اى مجهود.