الشاعر راضي الطهطاوي يكتب: بلاش يا ناس صداع!

عدد المشاهدات = 1726

————
مش زيطة ولاش كلام …..هاترجَّع اللى ضاع
ولا حتى كلام جرايد……فبلاش يا ناس صداع
بالعلم و بالعزيمة
وإرادة مع التحدى
ونعزز كل قيمة
مانسبش الحلم يعدى
مش زيطة ولاش كلام …..هاترجَّع اللى ضاع
ولا حتى كلام جرايد…فبلاش يا ناس صداع
نمنع فُرقة وخلاف
والفكر يكون رزين
بالحب و بائتلاف
نمحى الدمع الحزين
شوفوا البلاد بهِمة
طلعت فوق الفضا
واحنا الضمير وذمة
كان حلم وراح مضى
مش زيطة ولاش كلام …..هاترجَّع اللى ضاع
ولا حتى كلام جرايد…فبلاش يا ناس صداع