حياتي اليوم صحيفة إلكترونية يومية
قلبي ليه مبقاش عارفنى كان ملاك اصبح مشيطن
كل همه ازاى هيجرح قلب حبه ازاى هيدبح
كل واحد جه لجنبه يجف دمعه او يكونله فيوم علاج
قلبى كان نونو و صغير كل ملمح فيه بيضحك
بس شايل غل كونه حتى ضفره النونو لسه
صار مخالب كالحديد والعينين نظرتها قاسيه
والرموش كسهام بتقتل والجديد ماعدش ناسي
كل ركن تملي يبكى كل شوقه كمان يزيد
ايوه قلبي ماعدتش نونو حقد والغل فعيونه
حتى انيابه الرقيقة جه بردها زى سيف
بس كان يحلاله ينهش اى جسم يكون ضعيف
وانتقامه فــ ناس بريئة
والحقيقة انه عارف انه خاطي كان مغفل
ايوة سلم للخطاوي الشاردة ظنه
ان حضنك فيه امان والحنان كان سكة ضلمة
شافها قاوح قام ماشيها كل خطوه فجأه يعرج
ليه يقاوح يحبي تانى رامي كل انين واهه
مش شايفها زى مايكون حوت كبير جه بلعها
والحيتان دايما بتاكل فالصغير راح مقرر
انه يكبر يبقى حوت ..فوق بحور الشر عام
مر عام من بعد عام واكتشف من كل موجة
ان بحرك ماله شط قلبه فط وساب ضلوعه
قال ها اتوب
ايوة عارف انه مذنب وان كفارته فى موتك
جوة منه..رغم ذلك راح محلل كل ذكرى
جايه منك كل كلمة قادره تخدعنى بهمسك
والغريبة بسمعه وازاى فـ بعدك
قلبى النونو الصغير شاب خلاص
بعد ما موّت قلوب كات عذارى
قرر انه يفوق ويهدا بعد ايه ما العمر عدى
والامل اصبح ضعيف واللى فاضل منه صدا
قلبى منك صار كفيف
