حياتي اليوم صحيفة إلكترونية يومية
—
بعتذر لك …رغم انك ..
جي تلومني
ان قلبي حب غيرك
جي تقولي انسيه واسامحك!!
جي تسحب روحي منى ؟
وغصب عنى قلبي راحله
وانت عارف
ان قلبي لما شافك
وانت جنبي
جه وقالي مش نصيبك
عينى ماقلتليش حبيبك
وانت تاني
جي تحاسب ليه لهجرك
هو امتى قلبي قالك
انه عشقك
انت قلت انا قلبى حبك
بس قلبي محسهاش
ليه تحسسنى بذنوب معملتهاش
ليه تطالبنى انى اتوب
عن حب عاش
ليه بتعتبره خطيئة
يا إما انت او بلاش…..
و لسة بردوا جي تقاوح
ان حبك ليا طارح
الف شوق
رغم ماليك الشكوك
ليه بعندك
تملى سكة مابينا دايما بالشقوق
ليه بتنسى حتى وعدك
ان عمر مايبقى حبك
زى سيف
والمشاعر اللي مني
ليه تذوقها بزيف
ليه كمان رايح بتشكي
خوف طريقك
ليه تقول انى بخونك
واني مالية الكاس لغدرك
والطريق اللي رسمته
كان بايدك فيه لوحدك
قولى امتى فيوم وعدتك
ياما قلت وكنت بسمع
انى غنوة ولحن ليك
واوعى تنكر
ان ردى عليك تملي
لما بسمعها
بلاقى النوتة مكتوبة بنشاذ
وان حبك ليا دايما ..
كان مجاز
واما بسكت خفت جرحك
بس جه اليوم لاجل اواجهك
قلبي قالك ان عمره
فيوم ما حبك
وانه جنبك شبه ميت
حس عايش لما قابله
كان فقلبي جراح لقابله
دواني منها
ليه تلومنى ع البراح
اللي فحضنه
طب و همسه
طب حنانه..
طب جنانه اما يغير
طب هزاره ودلعه ليا
وخوفه بردوا كمان عليا
ليه بتظلم حبه ليا
وهو ليا شكل تانى
هو ليه جواك انانى..؟
ليه بتظلمنى بعذابك
ليه تعذبنى بالآمك
عارفة حبك لاجل ذاتى
بس خايفة من الآتي
من كلامك
مش بلومك
زي مابتعمل يوماتى
قصاد سكاتى
بس ظلم بجد ليا
لما ترغمنى لغرامك
كان طبيعى لحالى ابعد
مش عشان غاوية اني اعند
بس نفسي قلبي يسعد
باللي رجعنى اعيش
