الشاعرة أسماء فريد تكتب: توت توت!

عدد المشاهدات = 1715

---

توووووت توووووت
يا قطر شعب بهية ياللى
ماشى تقول توووووت
ياقطر شعب بهية عمر
بهية ما هتموووووت
حافظها المولى وراعيها
من اى عدو بيفوت
عدى على اولادها وسمعهم
قول بعلو الصوووت
اصيلة بهية والنبى بنحبها
اووووى مووووووت
بهيه دية امنا واصلنا
علشانها كلنا نموت
اوعاكو تنهشو لحمها
وتبقو اولاد العنكبوت
بهية دى غالية عندنا اغلى
من الدهب والياقوت
يا قطر بلغ كلامك وعلى
حسك بتووووت تووووت