الشاعرة أسماء فريد تكتب: افرحي بابنك

افرحي بابنك يا بهية
يا عالية يا سمرا يا مصرية
وارفعي راسك فووووق
ولوني الطرحة والجلبية
دي الفرحة جاية تجري
ولا اجمل شابة عفية
بتقولك قومي افرحي
وارجعي تاني صبية
دا ابنك بيحمي اصلك
وبيبني دارك وقصرك
وبيقولك عايز وصلك
وهاشيلك جوا عنيه
علي ايده حفرنا قنال
وبناها بايد مصرية
م الليلة مفيش محال
وايامنا الحلوة جاية
مهو حالف زي جمال
لتعيشي حرة ابيه
وكانت كلمة
كانت كلمة وقالها هي
اوعدك م اللحظة دي
لتبقي قد الدنيا دي
قصاد العالم تتباهي بي
وتقولي ابني
رد الروح تاني في
حقيقي بنتباهي بيك
واولادنا بيفتخرو بيك
وبنقولك الله عليك
مننا لك الف تحية
الله الله الله
الله علي اسمك يا بلادي
الله علي ابنك مش عادي
ايوه ف الحق جرئ
لكن ف الطبع هادي
وبعلو الصوت بينادي
انا رافع اسمك يا بلادي
يارافع راسها وصاينها
وكايد كل الاعادي
النصر حليفك وحليفها
هتجيبو لمصر وتهادي
مانت حبيبنا وحبيبها
ابن النيل والوادي
الخير علي ايدك غنوتها
حقيقي تعيش الايادي