حياتي اليوم صحيفة إلكترونية يومية
صدق او لا تصدق..بنطلون التبول اللا ارادى
بجد مش هزاااار
بنطلون التبول اللا ارادى
نازل السوق قريب او نزل بالفعل
بجدددددددد
المفروض اليومين دول يكون فى رقابة على الملابس زى الرقابة على المصنفات ..
انا حد بحترم جدا جدا الحرية الشخصية بالذات فالمظهر يعنى بجد الوضع بقى اوفر اوى، يعنى انا شفت البنطلونات المقطعة وقلت ماشي هما عاوزين يمشوا مقطعين، وهاجمت النزعة القوية بنقدى ليهم بس قلت خلينى عاقلة وماغيرش مبدئى فاحترام الحرية الشخصية..
بس توصل لحد انهم ينزلوا بنطلون بالشكل ده يعنى م الاخر اللى يلبسه بيقول على نفسه انااا عندى.. تبول لا ارادى!
ازااااااااااااى طيب زمان الولد كان يعاكس البنت يقولها يام العيون الدوبلى ..ياقمر ..يا عسل ..
دلوقتى يقولها ايييييه يااااا ام …….!
والله عيب وبعدين الام ياترى هتنزل بنتها كده
وهل فى عريس هيتقدم لبنت مبسوطة انها عندها..تبول لا ارادى؟
كفاية هزار..
بجد مش عيب على الامة العربية انها بدل ما تعز نفسها، تذل نفسها كده، لما الغرب يخترعوا لكم طرق شتى للمهانة والاستهزاء بعقولنا الشابة اللى المفروض هما عماد المجتمع اللى هنبنى عليه جيل جديد ناضج المفروض انه هيجى بعد ثورتين..
يبقى عديم المسؤلية كده وبايع نفسه لهواجس الموضة بالشكل ده..
طيب بلاش كده الرسول قالنا ان ربنا هيباهى بينا الامم يوم القيامة هل ده شكل يتباهى به..؟ والله عيب ده
اذا ابتليتم فاستتروا
افيقوا يا أمة العررررررب افيقوا ربنا يهديكم!
