“أقسم بربي لأغلبك”… قصيدة عامية بقلم الشاعرة تهاني فؤاد

متقوليش كسرتيني
وسرقتي مني أحلى سنيني
ده أنا حالفة منك ل اسرقك
العبرة بالنهاية صدقيني
والجرح هيطيب مهما كان كاويني
الضحكة إللي في ملامحي بتوجعك
والعند طبعي فبلاش تعانديني
سيبيني أعيش إللي باقي في سنيني
كفاية إللي راح في سكتك
خاليني مرة في حسابات فرحتك
ده الدمع منك دم ملا عيني
شبعت من غدرك وقسوتك
قاسيت كتير منك ومن لعنتك
أقسم بربي ل أهزمك
أنا قادرة بالصبر اكسرك
وعهد عليا يا دنيا ما هسيبك تاني
تكسريني