حياتي اليوم صحيفة إلكترونية يومية
نفسي في فنجان قهوة وريحة سكون
ولا زعيق، ولا وجع، ولا عيون
تحاول تعرف أنا في إيه
ولا كلام يرمي غُدر ف نيه
نفسي أقعد لوحدي بعيد عن الزحام
ولا أسمع حكاوي، ولا أتحمل كلام
نفسي في هدوء يطبطب عليّا
وفي حضن وقتي ألاقي الهديّه
نفسي في حد وجوده أمان
يبقى حضوره راحة للوجدان
مايكونش وشه فيه ألف وش
ولا طيبته غش، ولا حضنه غش
الأمان بقى حلم صعب الوصول
ضاع بين خوف الناس والفضول
والقلوب اتبدلت بالأقنعة
والنية الصافية بقت بضاعة نادرة
نفسي في لحظة صفا من غير نفاق
ولا عيون بتقيس بحساب واحتراق
نفسي أدوّق طعم الهدوء الحقيقي
مش هدوء خوف.. ولا وجع عميق
فنجان قهوة ونسمة دفا
ونظرة ف السما تقول كفا
كفاية وجع، كفاية أنين
رجّعولي الأمان.. ولو يومين
وأفضل ساكتة.. والليل يحكي عني
ووش القمر يقول تعبتي مني
يمكن سكاتي يطمن الزمان
ويمكن سكاتي… آخر أمان
