الخميس , 8 ديسمبر 2022
تصوير: أماني الروميسي

“طعم الرضا” … بقلم: أماني الروميسي

= 6223

السعادة ضحكة من قلوب صافية

سقف معشق والقلوب والحياة جارحة

ناس قاعدة على عرش رضاك وطلة

وناس راضي بقليله وقلبهم بتقول الأه وبتتحلي

وناس جميلة بترضى بحكمك ولا

سيناريو يتقال من أيام متقال ويتغنى

وتيجي رسائل بتتبعت لناس فاهمة وناس بتعمل مش فاهمة

تحاول تشوف ناس بتزاولك بتفاصيلهم

وناس ما تعرفش للرضا معنا وينسوا يشوفوك حتى لو مرة

ناس الصحة عندهم على قدهم لكن كابشة من الصبر حبة

بيوت قديمة وطوب أخضر وقلوب بالحياة حبة

بيجمعوا الصبر في مشنة ويلموا الغلة حبة حبة

ناس ما تعرف تقول كثير ولا قليل لكن مع الرضا صحبة

يخلوا الحياة حلوة والظلمة شمعة

وناس تعلي سقف الطموح والرضا واحدة واحدة

وناس تعيش تفاصيل بتتكرر ولا

وناس تعيش مع دخان وتعافر مع أنها مش شايفة

وناس بتنسى أول قطمة خرجتها من الجنة

وناس شايفة وناس بتعمل نفسها مش شايفة

وناس بتنسى مفاتيحها وتتلهي في والوشوشة والكلام واللمة

وناس بدوب مع الأيام وناس وأخدها من السبينسة للقمة

يقولوا يمكن في يوم تضحك ويلقوا كرسي يأخدهم بالضمة

وناس لمسة السماء بأيدها وناس تجاعيدها رسمة الشقى ولا

وعجبي….!

شاهد أيضاً

“أنا ليلاك” … قصيدة عامية بقلم الشاعرة عبير مبارك

عدد المشاهدات = 3091 بس يا سيدي وقولنا خلاص إن أنا مش ليلى وفرضا يعني …

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: