“ساعات” … خاطرة بقلم سهير عمارة

بجد حياتنا كلها ساعات بتمر بنا حلوة مرة بس ساعات
مش دائما تلاقيها ثابتة هي عقارب تمر بنا شوية للامام وشوية تتأخر عن الميعاد
ساعات نصادف فيها احلامنا وساعات تانية نندم على اللي فاتنا
ساعات معانا دايما في بالنا ودايما نعملها حساب اصلها ساعات
حياتنا كلها ساعات دقايق ثواني ممكن تتضايق وممكن تخلينا سعداء
ساعات تلاقي اللي تحبه وساعات تلعن الساعة اللي شوفته
وساعات تحس انك ملكت الحياة وعاوز تطير بأحلامك فوق السحاب
وساعات تكرها لما تاخدك على ارض ما كانت في الحسبان
اصل حياتنا كلها ساعات
مرة تحبها ومرة تلعن الساعة اللي مريت فيها
كلها ساعات وتنقضي بنا الحياة لتقف الساعة في الميعاد