حياتي اليوم صحيفة إلكترونية يومية
اللي شايل فوق كتافه حمل بيت
اللي شايل هم زرعه وهم غيط
اللي ويا أهل داره خفيف بسيط
و للاعادي بحر مالح .. بير غويط
هو دة سيد الرجال
اللي يتبسم لزوجته والعيال
اللي يطعمهم بعرقه وبالحلال
اللي رغم الضيقة راسخ كالجبال
لا عمره كل من الشقا ولا عمره مال
هو دة سيد الرجال
اللي كفه من شقاه اتشققت
احلامه كيف صفصافة خضرة ورقت
سكنتها عصافير المحبة و زقزقت
عمره ما ييأس و لو ما تحققت
هو دة سيد الرجال
