حياتي اليوم صحيفة إلكترونية يومية
لما مش عاجبك طموحى
ليه بتقولى قلبى روحى
ليه بتعلقنى ف حبالك
اللى دايبه فوق سطوحى
عمرى ما فهمت الطموح
على أنه عيب
اتربيت على أنه حالة لما تيجى
لازم على طول استجيب
لما مش عاجباك حياتى
وأنه بوجودى بطموحى
الرجولة تبقى فيها حاجة ناقصة
مش لاقية وصف اوصفه لك
غير انك انسان غريب
يمكن ما اصادفوش كتير..لكن
لما اصادفه استغربه
واللى بينى وبينه يكون
مسافات كتييييييييير
شوف بقى آخر كلامى
لما ف وجودى رجولتك تبقى ناقصة
يبقى مع كل احترامى
انت ف وجودك حياتى برضو ناقصة
