حياتي اليوم صحيفة إلكترونية يومية
يكتبه: عبد الناصر عبد العزيز
بعض الاشخاص مستفزين للغاية متطفلين للغاية سماجتهم زيادة وسخافتهم أزيد… إنهم هؤلاء الذين أذا شاهدوك فى طريق ذاهب لأمر ما لايتركوك فى حالك ابدا بل يلاحقوك بالأسئلة وفورا يفتحوا معاك تحقيق… ويفيشوك إيد ورجل!! ..
رايح فين؟ وجاي منين؟ مش خير يعنى؟ قول بس يمكن نقدر نساعدك فى حاجه؟…
ياعم انت بس حل عنى واعتقني لله! وأفقل ام محضر التحريات اللى فاتحه ليا ده…!
والسؤال هنا ايه يعني اللي هيحصل في الدنيا لو كل واحد فينا ساب التاني في حاله من غير ما ياخد مقاسه اول بأول كده…
كنت فين امبارح؟ مين اللي كان معاك ده.. اشتريت الحاجه دي بكام ومن مين؟ لوكنت قلتلي كنت عملتلك كذا وكذا!
بعد كده تبقى تقولي! بصراحه عادة حشر المناخير فى حياة الناس وخصوصياتهم دى حاجه رخمة ومستفزة وبتسبب ضيق خلق وكرشة نفس… وربنا يعافينا منها جميعا.
طاب مساؤكم…
