حياتي اليوم صحيفة إلكترونية يومية
إهداء إلى السيدة
” شيرين أبو عاقلة ” و كل إخواتنا في غزة
مين اللي مات يا شيرين ؟
مين اللي سامع سكوتنا
الرصاصة جات فيكي
بس إحنا اللي موتنا !
– بس الحقيقة –
طعم الهزيمة نجاة للي ميشفهوش
وإنتي فـ عِنيكي الحماسة
شُوفتي لسعة الخرطوش
ودُوقتي الغدر مـ القناصة ..
شوفتي
الهزيمة
والانكسار
والخوف
شوفتي
العزيمة
والحصار
والشوف
شوفتي
الحجارة
والدم
والصراخ
بالصوت
شوفتي كل حاجة
إلا المـوت …
