مأمأ وموت يا حمار سلخوك وبراحة
جَزَّار وبيدبَّح بساطوره ببجاحة
لحم الحمير يا مهوهو بتبيعه في السَّاحة
نظرة عنيك يا خسيس في الدم سبَّاحة
كذاب تغش الناس بفكرة سفَّاحة
كيلو عشان الست فتحيَّة فتَّاحة
دا راجِلها م الصُبحية سايس بمسَّاحة
وعيالها م الضُهرية بدور وسَرَّاحة
كُلُّه هايملا البطن دي اللُقمة دبَّاحة
عيني عليكي يا بت طابخة لسي السيَّد
مفروم حواوشي سجُق رخيصة وهيعيَّد
يا بهيم دي فيها قانون هنَّهَقْ وتِتقَيَّد
جِناية ف سِجن طُرة وتشقى ع رَّاحة
وغرامة تستناك في السجن يا حَاحة
ويغنَّوا عليك يا بْعيد
دا خروف وكِرشُه يزيد
المَلاَّحَة والمَلاَّحَة وعَريسنا مَلوْ الطُرَّاحَة
المَلاَّحَة والمَلاَّحَة والفَرْحَة ف عينُه شَحَّاحَة
تستاهل نِولَّع فيك بنزين بقدَّاحة
تَمَن الغلابة اللِّي ف نومِتها مِرتاحة
بأمانة ولكل الناس هكتبها بصراحة
أنا قلمي هايرجَّع و حروفي لمَّاحة
وعيوني هدَّمع عل الورقة سحَّاحة