حياتي اليوم صحيفة إلكترونية يومية
—
الموضوع اللى هتكلم فيه اللى ممل لبعضكم او بالأصح كلكو ليه بقي عشان مجرد كلام
اولا مبنعملش بيه وثانيا بنفضله..اه بنفض وواووى
من خلال تجربتى مع ناس كتير..حبيت افيد غيرى بحاجه اتعلمتها
الا وهى
كل واحد فينا بتقابله
ااكتر من مشكله في حياته
زى ايه ..؟!
مثلا يعنى المشاكل المتعلقه بالعلاقات الوهميه (حب المراهقه)
انا ليه سميته بالأسم ده
لانه بيدينا احساس وشعور وهمى زى ما الكل عارف ان في هذا السن البنى ادم بيحتاج حد يحس بيه بيفرحه وبردة بيزعل على زعله ويهتم بيه وطبعا اغلبنا مفتقدين دة في بيوتنا فابنضطر ندور عليه برة
ايا كانت الطريقه بقي
المهم نلاقي الشخص
دة اللى يحسينا ان لينا وجود في الحياة او بمعنى اصح يحسسنا ان لينا لازمة
وفجأه نلاقي هجوم من مواقع التواصل والسخريه من السن دة
ودة شئ ضايقنى وبشدة
ليية بقي..؟!
لأن انا كامراهقه فاهمه كل دة بس غيرى مش فاهم
بيهملوا السن دة ويتهمشوة بطريقه كبيرة مع العلم ان السن دة فيه ناس لو ركزنا معاهم بس البلد دى هتبقي شئ تانى خاااالص..
وعن قرأتى لعلم النفس اللى من وجهه نظرى اكتر مادة بستفيد فيها في مرحلتى وموادى الدراسيه
ان السن دة بيبقي فيه مواهب وقدرات وكمان هتلاقي اصحاب السن دة غالبا ، مشاعرهم فياضه ، وغيرهم متجمدين جداا ، وغيرهم متقلب المزاج
زيي كدة..
حبه اقول نفسي انتقب وحبه لا ، ساعات احب اسمع قرآن وساعات اغانى ، وساعات البس فساتين وساعات بناطيل ، فأنا مقتنعه تماما بسنى والتغير
فالحب في السن دة زي باقي الحاجات دى متغيير ممكن واحد يحب واحدة ويسبها ويتخيل انه ميقدرش يعيش من غيرها ومفيش اسبوع ويحب غيرها ، هو دة سننا المعقد ، لذالك قليل لما بنلاقي اسر بتراعى دة وتهتم بالسن دة من جميع النواحى واحترام رأيهم
ودى كانت نبذة عن موضوع زى البحر ملوش نهايه .
