حياتي اليوم صحيفة إلكترونية يومية
يكتبه: عبد الناصر عبد العزيز
اتعجب من شخص.. عاش بيننا سنينا ونعرفه انه فلان ابن فلان… ثم نفاجئ به يزعم انه سليل عائلة كذا من قبيلة كذا من دولة كذا وينسب لأجداده الذين لايعرفهم انهم من طردوا الهكسوس وحاربوا التتار ووحدوا القطرين….
ارحموا اللى خلفونا… انتم كنتم تايهين عن اجدادكم زمان ياجماعة ولاماكنتوش عارفين اصلكم ولامؤاخذة…. ياجماعة كلنا لآدم وآدم من تراب… وليس مهما ابدا ان يكون جدك مين المهم هو.. انت مين؟ فقعتونا والله آل معرفش ايه؟ وقبيلة ماعرفش ايه وجماعة ابصر ايه؟
المهم حاليا انتوا ايه وايه تأثيركم على الكوكب… كل الناس خير وبركة والاحترام للجميع وبرضه طز فى اى حد مهما كان لو مش محترم. فأصل الفتى فعله.
ملحوظة هامة جدا جدا: أنا لا أقصد أحدا بعينه… بس الموضوع زاد عن حده خالص ولقيت ناس مهتمة قوى تبحث عن أصلها… لغاية لما واحد اكتشف فجأة ان جده كان عنترة ابن شداد.. ويجعله عامر!
