حياتي اليوم صحيفة إلكترونية يومية
كل الكلام وقت اللقا تايه
تشرح عيونا والشرح جاي من القلب
فا تروح اليك روحي واتكحلت عيني
انا عاشقه تفصيلة اتجمعت بالحب
سايبة معاك روحي يخرج قوام بوحي
ازاي تغيب عني والقرب منك صعب
كل الحكاوي تقول اني عشقت هواك
والاصل انك نبض فااسعي قوام للقرب
جايز تكون عايش منتش هنا جنبي
صوت الغرام هايش بعدك والا يترد
فابلاش تزيد في البعد
دورلي علي حجه هاتلي في ايديك وردة
واحلف وقول حرمت من اليوم انا قررت
ميكنش فيه غير ود
ياحبيبتي سامحيني والله علي عيني
لما مشيت وبعدت بعدك انا بتهد
وتملي انا حاسك واليوم سنين تتعد
صوت الغرام يصرخ دلوني يوم عا الصبر
ياليالي كفياكي دي عنيها شبعت سهد
وقت الكلام نصمت ونحس طعم المررر
طبطب علي قلبي انشلني من غلبي
الاسم حبيتك والفعل كنت بعيد
فاازاي تكون ليا وانت خالفت الوعد
صوت الغرام نادا وعيوني سدادا
تغزل في عقد دموع ارحمها بزيادة
انا قلبي ليه موجوع
والنبض مش مسموع
والاه كمان شاهدة
ازاي يجيلك قلب ترميني وانا وردة
وعرفت طعم النوم وانا في العذاب شارده
علمت قلبي الخوف وعاملي وش كسوف
منتش عامل معروف وجرحت كام واحده
صوت الغرام دندن والعزف من نوحي
كان ليه وتر مقطوع بيعدي علي روحي
بكفايه قهر وبكا دانا قلبي كان مخدوع
والسهل كان ممنوع يتلخص الموضوع
في الجرح اصبحنا ركاب في بحر دموع
وبيتكتب عنا عشاق بدون معني
اتالفت ليهم قصة شراع مصنوع
من قلب اضلاعنا وصوت الغرام مرفوع.
