الجمعة , 18 سبتمبر 2020
الرئيسية / نفسي / كبسولات مهدئة…(نفس النظرة)…تكتبها رشا صيرة

كبسولات مهدئة…(نفس النظرة)…تكتبها رشا صيرة

= 2030

 

أوقات كتير بنعيش مع بعض واحنا مش شايفين بعض صح!
بنقفل على قلوبنا وعيونا بشريط بنختاره بنفسنا …

كل واحد جواه حاجات كتير … فيه ناس ربنا بيوهبها التلقائية والروح اللى بتساعدها انها تطلع كل اللى عندها بسهولة ومن غير ما تتعب وفى ناس أحلى ما فيها بيكون مستخبى وبتختار تصدر وش معين لغيرها ….

وفى ناس الحياة بتلهيها وبتشغلها أنها تشوف أو تستغل الحلو اللى فى غيرها …! وفجأة الشريط بيقع وبنشوف اللى كنا مختارين ما نشوفهوش بمزاجنا رغم ان الحقيقة كانت بتلمع قدامنا !!! بنندم ونقول لنفسنا قد ايه أخترت أكون أعمى بمزاجى عن حاجات ما عرفتش أشوفها صح ! وكنت ممكن أتعلم منها حاجات تغيرنى أو تخلينى سعيد !

الحاجة ساعات بتكون فى إيدك وانت بتختار تأخد حاجة تانية يمكن ما تكونش الأجمل ولا الأحلى ولا هتديلك ولا هتزودك حاجة زيادة ولا فيها خير ليك !

ولكن …ربنا حطك فيها علشان تشيل الشريط اللى أنت حطيته على عينك فى الأول وما شوفتش اللى كان معاك !

“جميعناً نملك نفس العين، ولكن لا نملك نفس النظرة للأشياء”.
(جبران خليل جبران)

شاهد أيضاً

كبسولات مهدئة…(عقدة النقص)…تكتبها رشا صيرة

عدد المشاهدات = 629 لما بنلاقى حد بيفتخر بحاجات عنده ، وبيألف قصص نصها كذب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: