حياتي اليوم صحيفة إلكترونية يومية
سكوت ……صمت……أقول….أهلا بيكم:
مكان بعيد تفكر وتسترجع نفسك الجديدة و شروق شمس انهارده جواك.. وغروب شمس امبارح طاقة إيجابية لبكرة ….
موج البحر هو الخبطة اللي جواك بتخليك تعرف الفرق بين المد والجزر.
ساعات كتير بنتعرض لضغط نفسي فوق تصورنا..
هو ايه شكل حياتك في القرار السليم ومعركتك الحقيقية بين الحاضر والماضي عشان المستقبل.
انك تكون حاسم في قرارك..وكمان اختيار الطريق المناسب لحياتك وقوة تحمل المسؤولية.
وكمان تعرف امتى تنسحب وامتى تقدم خطوة وامتى تقفل الباب وامتى تفتحه.
وكمان تتحمل سلبيات وايجابيات أي قرار انت اخدته.
من الطبيعي انك تغلط بس لازم تاخد بالك انك تغلط في حق حد بيحبك .. غلطة تدمر حياته لازم تقف مع نفسك و تعاتبها.
كمان القرار اللي تلقي نفسك فيه ويغير مكانتك وشكلك وتبقي من جديد اكيد انك كدا اشتريت نفسك.
وساعات كتير اللي حصل قبل كدا مش عارف تعيشه انهارده و تبقي قلقان من قرار عدم الاستسلام للخوف مرة تانية.
بكرة هيكون فيه ايه يعني؟
اكتر من اللي حصل امبارح!
الحاجة الوحيدة اللي تخوفك ان ربنا يزعل منك وساعتها هي دي الكارثة الحقيقية مع نفسك.
لكن البشر مكان ما تحط نفسك هتكون ..أي خوف جواك ممكن تمحيه بقربك من ربنا.
دايما التفاؤل والإحساس بالنجاح يوصلك لأحسن قرار.
بقلم وعدسة: أماني الروميسي
