الجمعة , 29 مارس 2024

كبسولات مهدئة…(مفارقة الاختيار)…تكتبها رشا صيرة

= 6708

 

فى مقولة بتقول:
إذا خيرت بين الأجمل والمريح …فاختر المريح …
طب إذا كان الأختيار بين الأسوأ أو الأسوأ منه !

ايه الحل ؟!

فى أمور ممكن بنمر بيها بتكون سيئة بتدخلنا فى حيرة مع نفسنا….ممكن تكون فى مكان وتفقد القدرة على التعامل مع كل حاجة فيه ؛ فتحس ان الأمر بقى سيء !
ولما الأمر بيقى مستحيل ان تكمل فيه أو اى تعامل ليك فيه بيسببلك ألم وخسارة يبقى هنا وصلت للوضع الأسوأ!

لازم عقلك يأخد هدنة لفترة علشان يقدر يتخلص من الموقف ويبدأ فى الخروج بأقل الخساير وممكن ما تقدرش تغير الوضع أو السلوك السئ فتدخل فى حلول هتكون بالنسبة ليك أسوأ الأحتمالات ! فتحس أنك فقدت الأختيار !

علشان كده لازم نفهم معنى الأختيار من نظرية اسمها “مفارقة الاختيار” …وهى:
أن (كلما زادت الخيارات المقدمة إلينا …
كلما تناقص رضانا إزاء ما نختاره …)
فالزيادة لاتعنى الحرية بل تعنى التنوع …

والتنوع ليس الحرية ..
التنوع هو نسخ مختلفة من الشئ نفسه …بيخلينا محبوسين فى التفكير والقلق من أن أختيارنا ده يكون الأفضل ….!

وعلشان كده أوعى تربط السعادة والحرية بمقدار التنوع فى الخيارات المتاحة إليك …
الحرية…. بتيجى من وضع حدود للنفس
مش أنك تختار كل ما تريده فى الحياة …

بل ..أنك تختار الأشياء اللى أنت مستعد للتخلى عنها والتضحية بها، والتزامك بالحدود اللى هتختارها لنفسك …ومقدار الألم اللى هتقدر تتحمله من تلك الحدود وتحرر نفسك من قيود مفروضه عليك …

جوه كل واحد دايره …سجن نفسه جواها بإرادته ! وبيدور على خلاصه وحريته!

يفيد بأيه انك تقول هتغير وهارجع نفسى اللى ضايعه منى طالما انك لسه فى نفس مكانك ولا قادر تسيبه ولا قادر تتحرر منه ! شايف دواير اللى حواليك وبتنكر وجود دايرتك !

الوعى بيجى من الرؤية …والرؤية بييجى بعدها فهم …والفهم بيجى بعده مراجعة …والمراجعة بيجى بعدها اختيار …والاختيار بيجى منه حرية نفسك ….
فليس كل ما نراه ندركه !

“للحياة أساليب كثيرة لاختيار إرادتنا …إما بألا يحدث لنا أى شئ على الاطلاق أو ان يحدث لنا كل شئ دفعة واحدة !”
(باولو كويلو)

شاهد أيضاً

كبسولات مهدئة| عقدة النقص … تكتبها رشا صيرة

عدد المشاهدات = 16564    لما بنلاقى حد بيفتخر بحاجات عنده ، وبيألف قصص نصها …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.