القلم ده قلمي وأنا اللي بكتبلك
يا جمالك وانتي فارده شعرك علي نيللك
وحياة الورد اللي في ارضك ..
وحياة من رفع سمائك وخضر أرضك ونزل الخير لأولادك
وحياة صفاء نيلك وحياة دفء قلبك
ولادك بيخافوا عليكي من رمش العين يجرح قلبك
ولادك فداكي وملعون كل من خانك
هما بيخافوا ضحكتك تروح منك
ديما رافعين راسهم طول ما انت في حمي ربك
حبيبتي يا بلدي هو فيه فجمالك لما المطر يروي زرعك
ولا الندي يصحي وردك لما الشمس تميل تدافي جوك
وحياة الطين اللي في أرضك ليفضل ابنك يحمي عرضك
كل واحد منهم شايل روحه فداكي وفدا أرضك
ابنك ينادي عليكي من اسكندرية لأسوان ويقولك أنه فداكي
بعيد الشر عنك يا بلدي من أي قهر يهدك
بعيد الشر عنك يا بلدي من أي حزن يميل قلبك
لما رب الكون يضفي عليكي نوره ويبان جمالك
لؤلؤ منور في أرض بحرك …
ماس منور في سماء والدك…
دم… ولادك يروي أرضك..والعزاء في السماء فرحك
ابنك الفلاح يفلح لأجل أرضك
ابنك المهندس يبني لأجل مجدك
ابنك الصحفي يكتب أحلي كلمة تعلي من شأنك
ابنك الدكتور ينقل الدم في عروقك
ابنك الظابط عمره علي كفه فدا أرضك
يا غالية خمس أنبيا مروا عليكي
أولهم الخليل ابراهيم و هديته ستنا هاجر…..
ولما جالك سيدنا يوسف في سنين عجاف….
ولما كلم الله موسي تكليما …
والنبي هارون وزيرا من أهله ….
ونزل النبي إدريس أرض الكنانة
(… عشت يا مصر …)
بقلم وعدسة: أماني الروميسي