الخميس , 28 مارس 2024

كبسولات مهدئة…(القريب البعيد …!)…تكتبها رشا صيرة

= 21637

 

جربت مرة تبعد عن حد بتحبه وتعيش حياتك بمنتهى السهولة …وتفتكره بس فى أوقات معينة كانت بتسعدك !
وأى حاجة كنت متعود تعملها معاه بقيت بتعملها بنفسك أو تلاقى حاجات تانية تعوض غيابه عنك، وتفتكر أنك بكده قوى وبتنتصر على بعده ! بس انت كده أنتصرت على حبك ليه من غير ما تحس !
البعد بيكشف قيمتنا الحقيقية عند بعض وهو إجابة الزمن لينا عن صدق حبنا أو كذبنا على نفسنا !
أوقات البعد بيزود الأشتياق ويأكد العلاقة …وأوقات تانية بيعرفنا قيمتنا عند اللى بنحبهم …
يقال …إذا زاد الشئ عن حده …أنقلب ضده !
يعنى قليل من الغياب بيكون مفيد لأشعال القلب ولكن لما بتزيد مساحة البعد ممكن تقلب نتيجة عكسية وسيئة !

فى أول البعد يبدأ الشخص مشتاق لحبيبه وبيفتكر كل اللحظات الجميلة بينهم …ولكن مع زيادة الفجوة بيقل الحماس شوية …بشوية !
ويبدأ يسأل نفسه هو صحيح يستحق منى كل الأهتمام ده ؟ حتى وهو بعيد عنى وأوقات بيهملنى !
ويبدأ عقلك يفكرك بسلبياته وعيوبه اللى أستحملتها وتبدأ تلاقى لنفسك مخرج آمن تخرج منه نفسك من نفق بعده المظلم وتلاقى اللى يسعدك!
وهى دى اللحظة اللى هتأكدلك انت بتحبه صحيح ولا لاء!
وتسمع صوت نجاة وهى بتقول…
“القريب منك بعيد …والبعيد عندك قريب
كل ده وقلبى اللى حبك لسة بيسميك حبيب!”

البعد هو الحد الفاصل فى قوة العلاقة ….
هتعرف مين قادر يكمل حياته من غيرك !
ومين اللى بيكملها بوجودك وعلشانك أنت بس !
حتى وأنت بعيد عنه روحك بتبقى حاضرة معاه وبتقويه أنه يكمل حياته وكأنها جسر عبور بين قلوبكم حتى تلتقى !
ما تبعدوش عن اللى بتحبوهم بأختياركم وترجعوا تلوموهم لما يتوجعوا من غيابكم …!
وزى ما قال نزار قبانى …
إذا لم يزيدك البُعد حباً،
فأنت لم تُحب حقاً….!

شاهد أيضاً

كبسولات مهدئة| عقدة النقص … تكتبها رشا صيرة

عدد المشاهدات = 16224    لما بنلاقى حد بيفتخر بحاجات عنده ، وبيألف قصص نصها …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.