حياتي اليوم صحيفة إلكترونية يومية
احتياجك هو نفسه,
احتياجى لشىء محال
فى الرجوع ممنوع نفكر
واللقا شىء مـ الخيال,
والحقيقة مُتعبة ..
ما تلوميش الموج يا شابة
انه هَد المركبة ..
احنا الاتنين كنا فين ؟!
لما هـَز الريح شراعنا ,
ليه فضلنا مكملين !
ليه واجهنا الموج بوهم
ليه ما خوفناش يوم نموت
وأما خدنا الموج بنينا
حلم أيل للسقوط ..
والحقيقة الحلم ضاع !!
عشنا أد ما عشنا فيه
رغم كل الخوف عليه
كان مصيرنا نقول وداع
أحضنى الذكرى اللى باقية
واخلصيلى فى الوجع
بكره يجى الوقت ننسى
بكره شوقنا هيتمنع
————
عمرو مجدي بردانة
مشروع كُتاب
