الجمعة , 29 مارس 2024

د. إيمان معاذ تكتب: هتكون رسالة..مش كلام !!

= 1933

فسافيس ..
وطايره فى الوجود
لا تشوفها عين ..
ولا حتى تعنيها .. الحدود

ذرات حقيرة
ترعب .. وتقتل م البشر ..
أعداد .. غفيرة
وتخلى كل الناس .. فى حيرة

تصيب الأرض .. وشعوبها
وتهز .. شناباتها الكبيرة

وتضفر الكون العظيم ..
كله فى ضفيرة

شعورها .. خوف
وعطورها .. تعقيم ..السيوف
والكفوف .. والحروف

قفل الحدود وكل .. ألوان القيود

تخلي الشوارع .. م الحياة والوجود

ويعم الفقر .. والعتمة تسود
وتهيج على الأرض .. الأسود

وتصبح الأخبار .. أليمة
ورعب خالي .. م الوعود

والكل .. فى الخلوة الحزينة ..
للإله .. لازم يعود

الكل راكع بين ايديه .. يترجا فيه

إمتى يزيح الغمة .. ويذيلها .. بعينيه؟

الأمان .. والرحمة .. والملجأ اليه

وبعد ايه؟ بعد ايه؟

ساد الفساد فى الأرض .. بإيدين العباد

دعاة حرية .. وديمقراطية
وهم …. رواد الفساد

منظمات .. تحكم بلاد

والمفسدين فى الأرض ..
بيقودوا .. العباد

يا بلاد ساقيتنا .. وصدعتنا ..
بالحضارات .. الحديثة

يا قادة .. الشر اللعين ..
والضماير .. الخبيثة

يا أصحاب التقدم .. و العلوم ..
والتكنولوجيا .. والجنون

عملتوا ايه فى الكون؟
عملتوا ايه فى الكون؟

نافستوا على فن الدمار ..
والضياع .. والأنهيار ؟

حاربتوا بعض .. بالآفات ..
والغازات .. والفيروسات؟

قضيتوا .. على حاضر شعوبنا
وقضيتوا .. على كل إللى فات؟

لو حتى ..
نجانا الإله .. من عظيم الإختبار

وبدأنا تانى .. فى الحياة
رحلة عمار

إزاى هنشعر بالأمان؟

وازاى هننسى .. ان إللى كان ..
سبب الوبا

لساه بيملك ..
قدرة .. الوحش الجبان؟

جايز .. يجرب فينا تانى ..
كل ألوان .. الجنان

جايز تكون الغلطة ..
فى المرة إللى جاية

تمنها .. كل الانسانية

إزاى .. نحجم قوته؟
ازاى .. نقلل سطوته؟
ازاى .. نعجل أخرته؟

هتكون رسالة .. مش كلام

هتكون رسالة ..
كل عاشق .. للحياة

هتكون رسالة ..
كل داعى .. للسلام

هتكون رسالة .. مش كلام
هتكون رسالة .. مش كلام


*شاعرة وكاتبة.

شاهد أيضاً

عندما يتوقف المطر … بقلم: مريم الشكيلية – سلطنة عُمان

عدد المشاهدات = 6668 عندما التقيتك أول مرة في ذاك اليوم الربيعي الهادئ على الجانب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.