حياتي اليوم صحيفة إلكترونية يومية
—
نفسى حد يطبطب عليا…أو زى ما بيقولوا يطبطب عليا ويحطنى على جنب ..
قد أيه الإنسان بيفتكر نفسه وهو فى سن التلاتين أنه قوى وأنه بيستحمل أى وكل حاجة بس بعد ما بيكبر ويوصل للأربعين بيلاقى حاجات كتيرة فى حياته مش قادر يستحملها ! بتضغط عليه ! ولأنه أتعود يكون قوى أو كان بيعرف يعبر زمان عن اللى جواه ما بقاش قادر يستحمل …فضل يحمل على نفسه لحد ما تعب وقلبه وجعه!
أحنا أضعف مما نتخيل …لما بنوصل لنقطة بنلاقى فيها اللى بنحبهم مش شابهنا لا أحنا قادرين نكمل معاهم ولا قادرين نكون مع غيرهم !بنبعد عنهم لأنهم خلاص وصلوا لمرحلة مش قادرين يدولنا حاجة خلاص وأحنا محتاجين اللى يطبطب علينا!
بنقف ولا بنعرف ناخدها منهم ولا من غيرهم !
ولا أتعلمنا أزاى نطبطب على نفسنا!
بتوصل تقول لنفسك أنا تعبان لدرجة أنى
مابقتش حاسس بالوجع …
لو حد قالى خلى بالك من نفسك مع أنى ما سمعتهاش بقالى كتير ….
بأقول المفروض نفسى هى اللى تخلى بالها منى!
ويفضل دعاء …
“ربنا ولا تحملنا ما لا طاقة لنا به”
هو اللى بيطبطب عليا .
