حياتي اليوم صحيفة إلكترونية يومية
—
🔔🔔🔔🔔🔔🔔
ياايها القلب الذي
عايش وميت من زمن
إياك تصدق والنبي
ان انت هيجيلك نبي
يغسل جراحك بالاقوي
من اللي خان
ومشاعره زان
على قلبه ران
تعبك قوي
كان يا ما كان
مبقاش خلاص فيه انبيا
بقى فيه خداع
منقوع فكاس
ممسوك بايد وشوش
تشوفها اوليا
سمه الشديد كاحت
حيطان الروح معاه
ولمنتهاه ..صابر عليه
ولما فاض الكيل شهق
دق المزاد 🔔
وقلوب كتير متلونة
مركونة صف مهلهلة
فضلت بتبكى من سنين
والدمع جف .
مبقاش خلاص ليها تمن
والعقل خف
اما ذهق حاول يعيش
ميت بعيد
ولا يوم يقرب ينخدع
…🔔 آلا دو 🔔…
…….نبيع ………
وشابّو لكل الاقنعة
سقطت خلاص
ومن الاساس خلص المزاد
والكل رافض يشتريه
ما العتمة كسياه بالسواد
بتخض كل الاوردة
شريانه متمدد بعاد
والنبض مربوط بالاهات
دقاته شايبها الحنين
تنهيدة شوق بتقطعه
وكل يوم نفس السؤال
ولا فيش جواب ومحيره
اللهفة ليه فوق كل ده
بتنده عليه!
