حياتي اليوم صحيفة إلكترونية يومية
—
وتانى تقول “ماحبتنيش”
ده انا اصلا نسيت الفرح ومات قلبي بمليون جرح
لكن وياك رجعت اعيش
وليه تقولها
عشان يعنى ضعفت معاك
وحبيتك نسيت احزانى مع انى
حلفت يمين ماقرب
من طريق عشاق
ما انا خايفة لتنساني واموت اشواق
وانا ادمنت نظراتك
وشوقك ليا وعتابك
يجوز فعلا تحس
انى ساعات بهرب
لكن برجع وانادى عليك واقولك خدنى منى اليك
وتتحمل كتير منى
ماانا عارفانى بتعصب
ببان انى كمان بيعاك
واقولها من ورا قلبي
مانيش عيزاك
وعارفة كلامى
كان جارح
وده اكمنك
بتنسى تملي وتسامح..
. عشان عارف
انا عشقاك
لكن فاجأة
تقول للناس ماحبتنيش
ولما بغير بتتعصب
ولا بصعب عليها
فيوم بتبعد عنى
وتخاصم
وبتعاقب بدون داعي
وكتر كلام مالوش داعي
مفاجأة كمان عملهالى هنبقى اصحاب
ومستني يجيلك رد
ولا رديت شاورت برأسي بموافقة وم الصدمة
كمان صهللت
عملت ان انت مش فارق
عشان عارفة
لا يمكن يوم هنتفارق
وقلت لنفسي ايه يعني
هيصحى يجيلى من بدرى يصالحني ماانا عارفاك بتسمع صوتى تتطمن
ويسأل نفسه الف سؤال
بتعمل ايه ومين كلمها من بدرى ونازلة لفين هتلبس ايه بتاكل ولا ماكلتشي قالولها صحاب ماردتشي وتتنرفز وتلعن سلسفين اهلى عشان وحشاك
وتنزل بين وشوش
الخلق وتدور وتتهور
فتندهلى ماانا حفظاك
ومابخبيش
اكيد حالك شبه حالي ويحلالى اكون وحشاك
و عارفة انك هترجعلى
ماانا وانت ببروح واحدة فطريق واحد بنتواعد ونتعاهد بقينا لبعض يعنى احنا مرتبناش فيوم البعد
واشواقنا ماتتخبى
وحبة فحبة
فات اسبوع وراه شهرين وادينا سنين ودوبنا حنين
بنحلم يوم هنتلاقى ونحضن بعض زي زمان
ومن احزانا ندارى
عشان نرجع نقول عايشين
