—
أنا مين؟ سؤال من أصعب ما يكون. جرب كده تسأل نفسك أنا مين
وعايز ايه؟ ايه هي رغباتك واحتياجاتك فاهم نفسك بنسبة كام ف المية
عارف ايه اللي بيخليك مبسوط وايه اللي انت عايزة؟ ايه اكتر حاجة
ممكن تاخدك وتكون مبسوط وانت بتعملها وما تحسش بالوقت ولا بالمجهود
اللي بذلته حتى من غير أي مقابل مادي وتحس بيها انك طاير وشحنت طاقة
وجددتها مش بذلت مجهود. احنا محتاجين نجاوب على الاسئلة دي في جلسة
ثنائية تكون فيها مع نفسك بس وتكون جلسة صريحة جدا. ولو الاجابة معرفش
يبقى انت محتاج تكتشف وتعرف .محتاج تجرب وتنجح وتفشل تقوم وتقع
لحد ما توصل لإجابة وإلا مش هايكون لوجودك اي لازمة وده مش حقيقي
ربنا خلقنا وكل واحد فينا عنده موهبة وقدرة خاصة بيه هو لوحده
لازم تعرفها وتكتشفها
جاوب … السؤال اجباري!