الجمعة , 29 مارس 2024

قصيدة “علقة موت”..للشاعرة أمل فرج

= 1849

صوت البلابل باح
بالمستحيل يتسمع
من قلب همسه نواح والمستباح اتخلع
وريشه زى مزاح
عاشق رموش الست
غرقان عطش ماشرب طعم السكك فواح
اشواك غرام طالح
غارز ف قلب البت
والعزف ع الأوتار
ده ماكنش زى نسيم
بيهفهف امبارح
ليه النهاردة الريح
ممزوجة بالسارح
جوة العقول شٌطآن
والرمل كان احزان
والدنيا آخدة براح
الفرحة علقة موت
والعذب كان حنضل
للصبر جوة حانات
السهد بيدوّخ
مع رقصة المحتضر
المستخبي يبان
ارعن يا خط العمر
بتفرعن المسافات
والبحر عدى وفات
امواجه كات صارخة
كرابيج دموع البدر
تلسوع النجمات
النخل مش للهز
ولاعادش تمره يلذ
ولا عادش فى صهللة
بتزغزغ الاهات
مستخسرة الضحكات
كل العيون باكية
كل القلوب شاكية
كل الحبايب ليه
ليه تاهوا فالسكة
صوت البلابل نوح
ماعادش فيه تباريح
الناى مع المجاريح
والغنوة كات عذابات
اللحن متشعبط
مالحقش مركب نوح
غرقان مع الواقع
طوفان خطفهم ليه
من أول الشارع

شاهد أيضاً

عندما يتوقف المطر … بقلم: مريم الشكيلية – سلطنة عُمان

عدد المشاهدات = 6725 عندما التقيتك أول مرة في ذاك اليوم الربيعي الهادئ على الجانب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.