الجمعة , 29 مارس 2024

الشاعرة أمل فرج تكتب: منديل فراق..!

= 1544

—-

ف عتمة القناديل
منديل بلون الليل
مكتوب عليه يافراق
والاشتياق حراق
والنظرة كات ترياق
وحنينه صار شخابيط
فالنص كان قلبين
الغدر صاب سهمين
حرفى وحرفه حزين
ولا عذر كان للبدر
يطفى فقلبي وليه
ضيه ده كان للغير ..

ف عتمة القناديل
نهار بيرسم خط
قال انكتب للعمر
والعمر شارب خمر
بتمرجحه الاوهام
سنين تعدى اوام
نهارها شال واتحط
على وشم كان ف اليد منقوش بدمع الخد
فاكر ما بينا فراق
اتارى كله اتهد
وغرامه كان فتاك
سمم حنايا القلب
شريانه اصبح سد
واشواق بنار تمتد
واللى انكتب كان مر
ومستحيل ينداق
فرحة ولابسة حداد
ع العاشقين بالذات
ازاى غرامهم هان
واتهان معاه انسان
كل اللى همه بجد
يسعد حبيبه وداب
من فرقة الاحباب
وبات ف حضنه الصبر مغلوب وغلبه الهجر
ليله ونهاره صعب
يحكى يقول الليل
خيّال ومالو سبيل
والسلسبيل ف عينيه
نصيبه كان مكتوب
لجامه اخره يدوب
عشمان بصيص من نور
ودموع تلف تدور
ف طريق نهايته ضلام
وعذاب مع الاحلام
وذكريات و الالام
حبيبه باعه رخيص
ف عتمة القناديل
احكى كمان يا ليل

شاهد أيضاً

عندما يتوقف المطر … بقلم: مريم الشكيلية – سلطنة عُمان

عدد المشاهدات = 6606 عندما التقيتك أول مرة في ذاك اليوم الربيعي الهادئ على الجانب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.