الأحد , 22 يوليو 2018
الرئيسية / خواطري / أمل فرج تكتب: على وضعك..!

أمل فرج تكتب: على وضعك..!

= 356

——

نفض واقلش واضحك وافرش سجاد قلبك كله بريش
واوعي تخلي الحزن يصيبك
وافتح كل بيبانك ..عِيش
واعمل كل اللي بيحلالك
عيش احلامك وافتح شيش
واحلم أنك سنجل عايش
حد كيوت كده أوي ولذيذ
ادخل بان بقى جوة الفورمة لحلح واوعى تكون واد سيس
كحرت نفسك بقى واتنتخ اوعى تسرسج ده حوار فاكس
واحفظ غنوة كده ودندنها
ومن جواك فك الترابيس
واوعى يقولوا ده شب غالوبا عيل هوبا وكده هلاهوطا
واد يتعبا في أخر الكيس
جات لك رنة تحب تطنش
كِن وكنسل نفض واقلش
يعني تفكك م اللي يشكك
وامسك يك ب دو او بيش

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *