الخميس , 28 مارس 2024

الشاعرة أمل فرج تكتب: جود أفتر نوم..!

= 1304

—–

عزيزى البخت خلاص مليت
وأملى ياريت تكون جنبى
وتسمعنى زهقت خلاص
من العيشه مافيش إخلاص
فمن فضلك تبص لنا
ولو أمكن تجيبلى بخور
عشان النحس ملازمنى
وبالمرة .. ده لو أمكن
تجيب لى دولاب بسراحة
ماليها ذواق
مناظر ناس بتتظاهر
ده شكله جميل
وشكله تملي فى الفورمة
حرامى غسيل
ونفسى كمان ف ولاعة
عشان احرق جثث عايشة ..
ومتباعه لطوب الأرض
ولو صادفك وشوش إتيكيت
تعلم ف الولاد فى البيت
فمن فضلك بلاش تنكيت
بندفع للدروس الفرض
ولو تعرف إزاز للقطر
وحاجز يمنع الحادث
ومسئول تسأله ويرد
ومايقولشى دا عيب حارس
ويعنى ياريت ضمير تيك أواي
فى وقت الكعبلة
يعرف يروح فار أواي
ومن فضلك تشوفلى قانون
ماهوش مجنون .. يحاكمني
عزيزى البخت كمل نوم
جود أفتر .. نوم
ماتزعلشي!

شاهد أيضاً

عندما يتوقف المطر … بقلم: مريم الشكيلية – سلطنة عُمان

عدد المشاهدات = 6307 عندما التقيتك أول مرة في ذاك اليوم الربيعي الهادئ على الجانب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.