حياتي اليوم صحيفة إلكترونية يومية
—–
ماشي في الدنيا هايم سوَّاح
وعُمري قاضيتُه كله .. جراح
حتى الضحكة بتخرج من غير ارتياح
وعجبي علِّي يقول الكون برَّاح
***
ياللي تقول انا خلاص انتهيت
دا ….انت لِسَّه تَوَّك ما ابتديت
ما هي دي الدنيا نهاية في بداية
لاخترت بدايتك ولا تعرف إمتى انتهيت.
***
أكبر حكيم في الكون هو الوليد
بميلاده الكُل فرحان وهو يبكي عنيد
وكأنه عارف إنه خارج من الفرج للضيق
ولَّا عارف إن الميلاد أكبر حِداد.
***
أبُص للسما ألاقيها صافية جميلة
لكن الارض ياما فيها قلوب حزينة
اقول يا ريتني كُنت طير بجناحات طويلة
اهبط على الارض ازورها واطلع
ما هي دي الدنيا كُلنا ضيوف عليها
***
أنا عارف إني إنسان ذي غيري
لاكنِّي نفسي يكون لي ذِكرى بعد موتي
مادِّفِنش تحت ضريح رخام وخلاص
ويعلقولي صورة بعد موتي على الحيطان
ويقولوا الله يرحمه ده زمان كان وكان
